top of page

Rizoto me panxhar të kuq:

Rizoto me panxhar të kuq:

Përbërësit për 5 persona:


400g oriz Carnaroli

500g panxhar i freskët

4-5 lugë gjelle vaj ulliri “Extra Virgin”

1/5 kokërr qepë mesatare

1-2 degë selino

2 thelb hudhër

110g lëng limoni

1/2 litër lëng mishi

4-5 lugë gjelle gjalpë i freskët

6-7 lugë gjelle djathë Parmigiano Reggiano

pak kopër për zbukurim


Përgatitja:


Në një tigan hedhim vajin e ullirit dhe pastaj, sipas radhës, qepën dhe selinonë e grirë dhe i kaurdisim derisa të zbuten. Më pas shtojmë thelbin e hudhrës dhe orizin.


Ulim flakën dhe e trazojmë ngadalë orizin që të skuqet në të gjitha anët. Shtojmë lëngun e limonit dhe e lëmë të avullojë. Më pas, shtojmë herë pas here nga një garuzhdë lëng mishi, pa e trazuar me orizin. Sapo të përthithet nga orizi, shtojmë të tjerat derisa të shterojë i gjithë lëngu.


E lëmë të ziejë në flakë mesatare, derisa masa të jetë bërë kremoze. Shtojmë pastaj panxharët, fillimisht të zierë veçmas dhe të bërë pure në një grirës. Trazojmë me lugë druri orizin derisa masa të jetë njëtrajtësuar dhe të ketë marrë ngjyrë të kuqe në vishnjë.


E heqim nga zjarri, shtojmë gjalpë dhe djathin Parmigiano Reggiano. E hedhim në pjata dhe e zbukurojmë me kopër të freskët. Shërbehet i ngrohtë.



26 views0 comments

Recent Posts

See All

Supë magjerica

Recet e postuar nga Apostol Buzopulos Buzi Supe Magjerice Miredita te nderuar dhe respektuar miq dhe mikesha te grupit , Megjithese supen magjerice do ta gatuajme diten e Shtune sipas zakonit te fest

Comments


bottom of page