Një recetë fantastike, përgatitet shumë lehtë dhe thjeshtë por ka një shije të mrekullueshme.
Makaronat e vogla, të njohura gjerësisht si manestra, apo kritharaqe, ose risoni, apo makarona në formë elbi pavarësisht emrit me të cilin i njohim ato shndërrohen në një ushqim të shijshëm e të shëndetshëm në çdo recetë gatimi.
Kjo recetë mund të përgatitet me lloje të ndryshme mishrash sipas preferencës, mund të përgatitet me mish qengji, mish viçi apo edhe mish pule.
Përbërësit
(Përbërësit më poshtë janë për 6-7 persona)
1 pul rreth 2kg, (ose viçi, qengji sipas preferencës)
500 gr makarona të vogla (manestra, kritharaki, risoni,)
2-3 kokrra qepë
2-3 karrota
4-5 kokrra domate
Vaj ulliri
Kripë
Piper të zi
Piper të kuq
1lug caje me erza te ndryshme, te thata (rigon, borzilok, trumeze,)
1lug gjelle me majdanoz te grire
Përgatitja
Si fillim presim pulen ne copa vendosni copat e pules në një tenxhere me vaj ulliri dhe më pas vendoseni në zjarr.
Kaurdisini nga të gjitha anët dhe më pas shtoni qepët e grira hollë.
Vijoni t’i kaurdisni bashkë dhe kur volumi i qepëve të bjerë shtoni karrotat e grira, e më pas domatet e grira dhe lërini derisa të mbeten me pak lëng.
Më pas shtoni 4-5 gota ujë, shtoni kripën dhe piperin e kuq e të zi dhe erzat, lërini të zjejnë përreth 15-20 minuta.
Hidhni makaronat e vogla në tavë. Vendosni copat e pules dhe mbulojeni tavën me lëngun e mishit, domateve dhe qepëve.
Nëse uji ka shteruar shumë shtoni edhe pak ujë, dhe majdanozin
Futeni tavën të piqet në furrë me 190 gradë përreth 25-35 minuta.