Fasule Pllaqi në Furrë:

Fasule Pllaqi në Furrë:

Pa dyshim fasulet mbeten ndër gjellët më të preferuara të shqiptarëve.

Sidomos tani të dimër, një pjatë e ngrohtë me fasule, e shoqëruar me më të mirat e zahireve shqiptare, pastërma apo turshi të ndryshme, do të kënaqte oreksin e kujtdo me shijen e saj të plotë.

Kjo tavë tipike e kuzhinës tradicionale shqiptare mund të jetë një alternativë shumë e mirë gatimi edhe për këto ditë festash.

Ky gatim special mund të serviret në tryezë edhe në formën e sallatës për të shoqëruar gatimet e tjera tradicionale siç janë mishrat e ndryshëm, byrekët etj

Më poshtë do gjeni recetën e përgatitjes së fasuleve pllaqi në furrë, një mënyrë fantastike për t’i shijuar me familjen në këto ditë të ftohta dimri.

Përgatitja e Fasuleve Pllaqi në Tavë

Përbërësit:

500 gr fasule pllaqi

2 qepë

400 gr pure domate

1 lugë çaji piper i kuq

3 karrota

5-6 thelpinj hudhra

Kripë dhe piper i zi

Piper pikant

1 lugë kafe sheqer

Rigon

Nenexhik

Majdanoz

Përgatitja:

Lajmë fasulet dhe i vendosim në tas, i mbulojmë me ujë dhe i lëmë gjithë natën të zbuten.

I shpëlajmë dhe pasi ti mbulojmë me ujë i vendosim për të zierë.

Ndërkohë në një tigan ngrohim vajin e ullirit dhe pasi të shtojmë qepën e kacvardisim mirë derisa të zverdhet, shtojmë karrotën të prerë në feta, hushrat, purenë e domates dhe I përziejmë të gjitha së bashku. E lëmë qepën dhe domaten për të zierë 5 minuta. Rregullojmë shijen me kripë dhe piper të zi dhe pipër të kuq apo pak spec pikant nëse dëshironi, nenexhik dhe rigon. Shtojmë dhe fasulet, jo të ziera plotësisht, një gotë e gjysmë lëng mishi dhe vendosim tavën në furrë, në temeraturë 180 gradë Celsius, për 20-25 minuta.