top of page

Frittata me Lulelakër.

Updated: Apr 12, 2022

Frittata me Lulelakër.

Zakonisht omëletën e përgatisim të skuqur, pasi kërkon më pak kohë por edhe është shumë e thjeshtë.


Por të skuqurat sigurisht që nuk janë të shëndetshme, ndaj dhe marr shkas për t’ju treguar një metodë ndryshe.


Po aq e lehtë dhe pa mundim sa dhe omëleta klasike, por do t’ju duhet ta piqni.


Lexoni shkurt hapat e përgatitjes dhe shijojeni që sot pasi do t’ju japi energji gjatë gjithë ditës.


Përbërësit


5 vezë

500 gr lulelakër

110gr djathë kaçkavall

50 gr gjalp

50gr majdanoz

1 lugë gjelle vaj ulliri

kripë, piper sipas deshires


Përgatitja

Ju sugjeroj që fillimisht të ndizni furrën në 180 gradë kështu do të shkurtoni kohë.


Tani filloni të pastroni lulelakrën duke e qëruar dhe ndarë në tufëza të vogla.


Shpëlajeni mirë dhe futeni në një tenxhere të mbushur me ujë.


Lëreni tenxheren të ziejë në zjarr mesatar për 3-4 minuta.


Pasi uji të ziejë largojeni menjëherë lulelakrën dhe futeni në një tas me ujë të ftohtë.



Një proces i tillë nuk lejon që lulelakra të zbutet më shumë seç duhet.


Tani ju ka mbetur vetëm të rrihni vezët dhe t’i përzieni me tufëzat e lulelakrës dhe djathin.


Ju sugjeroj që me një letër kuzhine të thani mirë ujin e tepërt që mund të kenë mbledhur copat e lulelakrës.


Tregoni kujdes kur t’i përzieni me vezët pasi nuk dihet që t’i thërrmoni.


Shtoni vajin e ullirit dhe kripën sipas dëshirës dhe kalojeni në tavën që keni përzgjedhur.


Mos e drejtoni me lugë apo pirun, por tundeni lehtë tavën derisa tufëzat e lulelakrës të jenë drejtuar.


Futeni për ta pjekur në furrën e ngrohur më parë për 15-20 minuta.


Vezët do të mpiksen e të piqen shumë shpejt, ndërkohë që lulelakra do të marrë shijen perfekte.


Nëse e dëshironi pak më krokante këtë recetë mund ta përgatisni dhe me lulelakër të freskët.


Ju sugjeroj që të shtoni një gotë qumësht për të ndihmuar në pjekjen e lulelakrës.


Pasi të jetë pjekur lëreni të ftohet pak dhe shërbeheni të ngrohtë duke e shoqëruar me sallatë të freskët.



77 views0 comments

Recent Posts

See All

Supë magjerica

Recet e postuar nga Apostol Buzopulos Buzi Supe Magjerice Miredita te nderuar dhe respektuar miq dhe mikesha te grupit , Megjithese supen magjerice do ta gatuajme diten e Shtune sipas zakonit te fest

Comentários


bottom of page