top of page

Gjeli deti i mbushur



Gjel deti i mbushur në traditën shqiptare ka disa variante. Çdo fundvit, ne kërkojmë të gjejmë një recetë që të jetë e veçantë, e shijshme dhe, mbi të gjitha, pa shumë mundime. Kjo që do t’ju propozojmë sot është recetë nga Renato Mekolli. Shikoni cilët janë përbërësit që keni harruar në gjelin që keni përgatitur sot.


Përbërësit:

  • 1 gjel deti

  • 500 gram mish viçi i grirë

  • 50 gr oriz

  • 1 lugë gjelle mjaltë

  • 100 gr arra të qëruara

  • 100 gr stika të qëruara

  • 2 domate

  • 3 portokaj (lëngu)

  • 5 thelpinj hudhre

  • 2 shkopinj kanelle

  • 2 tufa majdanozi

  • 1 lugë kafeje piper të zi

  • pak kripë

  • 50 ml vaj ulliri

Përgatitja e mbushjes:

  1. Vendosim në tenxhere vajin e ullirit, thelpinjtë e hudhrës, qepën e grirë hollë, arrat, stikat dhe i skuqim në zjarr të ngadaltë.

  2. Sa pa marrë ngjyrë, shtojmë mishin e grirë, kanellën, orizin, piperin e zi, kripën dhe i përziejmë për 20 minuta.

  3. E shuajmë me lëngun e portokajve, shtojmë mjaltin, (përdorim vetëm gjysmën e sasisë së lëngut të portokallit dhe të mjaltit), domatet, majdanozin dhe vazhdojmë përzierjen edhe për 10 minuta të tjera.

Përgatitja e gjeldetit të mbushur:

  1. Pastrojmë mirë gjelin e detit nga jashtë dhe nga brenda, (ia përcëllojmë qimet e imta në flakë). E mbushim pjesën e brendshme me masën e përgatitur si më sipër (por jo plot fare).

  2. E qepim me kujdes që të mos derdhet masa, e vendosim në një tavë, i hedhim kripë dhe e lyejmë me mjaltë, me vaj ulliri dhe me lëngun e portokajve.

  3. E mbyllim mirë tavën me letër alumini dhe e futim në furrë të ngrohur më parë në temperaturën 180 gradë.

  4. Pas tre orësh e ngremë temperaturën në 200 gradë (koha e pjekjes nga masa e gjelit të detit – 3 orë zakonisht është kohë e mjaftueshme për një gjeldeti 2-3 kg).

  5. E lëmë edhe për 10 minuta të tjera në furrë, derisa të marrë ngjyrë të artë.



246 views0 comments

Recent Posts

See All

Supë magjerica

Recet e postuar nga Apostol Buzopulos Buzi Supe Magjerice Miredita te nderuar dhe respektuar miq dhe mikesha te grupit , Megjithese supen magjerice do ta gatuajme diten e Shtune sipas zakonit te fest

Comments


bottom of page