https://www.gastronomiashqiptare.com/ është platformë online për dashamirët e kuzhinës dhe ushqimit të shijshëm. Çdo ditë, stafi jonë ju sjellë receta të reja nga Kuzhina Shqiptare dhe ajo e huaj, receta këto të cilat ju mund t’i përgatitni lehtë në ambientin tuaj shtëpiak.
Makarona me perime furre.
Perbersit.
500 gr makarona (pene)
4 kokrra domate
2-3 kunguj
1 presh
4-5 kokrra vezë
400gr ajkë, krem qumshti
1 gotë qumësht
50 gr gjalp
30gr majdanoz
3 lugë gjelle vaj ulliri
100 gr djathë parmixhano
kripë, piper i zi sipas deshires
arrë moskat
Pergatitja.
Fillimisht vendosim makaronat të ziejnë në ujë të vluar me kripë për 7 minuta. I kullojmë dhe i shpëlajmë me ujë të ftohtë, në mënyrë që të ndërpritet proçesi i zierjes. Ndërkohë presim domatet dhe kungujt ne feta te holla rrumbullake. Trazojmë në një tas ajkën me qumështin, vezët, kripën, piperin e zi dhe arrën moskat.
Vendosim makaronat në një tavë të lyer me gjalpë, i nivelojmë mirë duke i mbuluar me kremin e pergatitur me vezë dhe më pas vendosim në formë të tjegullave njëra përmbi tjetrën duke i ngulur tek makaronat një fetë domate, një fetë kungull. Kështu vazhdojmë derisa të mbulojmë të gjithë sipërfaqen, në fund e spërkasim me preshin të prerë në unaza dhe e mbulojmë me djathin parmixhano të grirë. E vendosim pastiçen në furrën e parangrohur në temperaturën 200 gradë Celsius për 25-30 minuta.
Comments