top of page

Speca Turshi të Shtruar Me Gjizë :

Speca Turshi të Shtruar Me Gjizë :

Fantastike për shoqërimin e gatimeve të ngrohta, shumëfishojnë shijen dhe sjellin traditën në tryezë


Ato nuk mungojnë në asnjë gatim, e si të mos mjaftonte kjo përdoren për turshi, gogozhare dhe marinohen me vaj ulliri e hudhër.


Receta e mëposhtme e sugjeruar ka të bëjë me specat e mbushur me gjizë.


Kjo recetë është shumë e thjeshtë dhe përgatitet shumë lehtë.


Duke qenë se specat që përdoren për mbushje dhe fermentim janë pak djegës, receta e mëposhtme konsiderohet e përshtatshme për dimër dhe mot të ftohtë.


Si ti Përgatisim në Shtëpi

Përbërësit:

2 kg speca të verdhë me lëkurë të trashë (të varietetit Somborka)

2 kg gjizë me kripë

Kripë.


Përgatitja:

I lajmë specat me ujë të bollshëm. Heqim bishtat dhe pjesën e sipërme.


Pastrojmë farat mirë dhe i heqim ato plotësisht, sepse farat i zbusin specat gjatë fermentimit. I mbushim me gjizë dhe i fusim në kavanozë të thellë një e nga një.


Mbushja e kavanozëve bëhet me rradhë, një herë specat dhe më pas gjizë e kështu me rradhë deri sa kavanozi të mbushet plot. Në fund hedhim pak qumësht, mbyllim kapakun dhe e fusim në frigorifer. Fermentimi i specave zgjat 10 ditë.


Kjo recetë kërkon përdorimin e specave të varietetit somborka. Ato janë të verdhë dhe kanë formën e kones. Specat janë pak djegës, gjë që e plotëson më së miri mbushjen me gjizë.


Pas hapjes, specat me gjizë mund të qëndrojnë deri në dy muaj në frigorifer.


Receta e specave me gjizë përshtatet natyrshëm sipas preferencave tuaja. Në vend të qumështit mund të përdoret kosi.


Në raste të tjera, specat mbushen me pak kripë për të parandaluar lëngjet e tepërta.


Specat me gjizë janë një garniturë mjaft e këndshme që plotëson gatimet me mish, por edhe mund të konsumohen veçmas gjatë mbrëmjeve të dimrit duke u shoqëruar me bukë të thekur, misri ose gruri dhe domate.


Dashamirësit e specave me gjizë i konsumojnë ato edhe në mëngjes duke i shoqëruar me një gotë çaj mali të ngrohtë.

22 views0 comments

Recent Posts

See All

Supë magjerica

Recet e postuar nga Apostol Buzopulos Buzi Supe Magjerice Miredita te nderuar dhe respektuar miq dhe mikesha te grupit , Megjithese supen magjerice do ta gatuajme diten e Shtune sipas zakonit te fest

Comentarios


bottom of page