top of page

Supë Peshku.

Supë peshku.

Shija e mrekullueshme e kësaj supe të thjeshtë peshku, nuk ka të përshkruar. Provojeni!

Supa përgatitet duke përdorur të gjithë peshkun, por mund të përgatitet edhe duke përdorur vetëm kokat e peshkut të madh si trofta, krapi, levreku etj.


Përbërësit:

2 peshq të mëdhenj (ose 6 kokë peshku )

1-2 kokërr qepë

3-4 karota

2 patate

1 lugë miell

vaj ulliri

kripë, piper i zi

limon,

gjethe dafine


Përgatitja:

Në një tenxhere të thellë ziejmë në një litër ujë peshkun me qepën e grirë imët, karotat dhe patatet. Nëse përdorim kokat i ziejmë 20 minuta sa të marrin një valë dhe i heqim, nëse përdorim peshkun pas 20 minuta zierje e heqim nga vala e vendosim në një pjatë dhe e pastrojmë nga halat.


Lëngun e kullojmë me anë të një kullese ndërsa perimet i kalojmë në mikser dhe i bashkojmë përsëri me lëngun. Në një tigan me 4-5 lugë vaj ulliri skuqim miellin dhe e përziejmë me lëngun duke e trazuar mirë që të mos mbeten kokrriza. Bashkojmë dhe peshkun dhe e lemë të ziejë përsëri 10 minuta duke e rregulluar me limon ose me uthull dhe duke kontrolluar trashësinë e lëngut që të jetë në masën e dëshiruar.

Ju bëftë mirë.



161 views0 comments

Recent Posts

See All

Supë magjerica

Recet e postuar nga Apostol Buzopulos Buzi Supe Magjerice Miredita te nderuar dhe respektuar miq dhe mikesha te grupit , Megjithese supen magjerice do ta gatuajme diten e Shtune sipas zakonit te fest

Comments


bottom of page