top of page

Harapash i Labërisë.

Updated: Apr 28, 2022

https://www.gastronomiashqiptare.com/ është platformë online për dashamirët e kuzhinës dhe ushqimit të shijshëm. Çdo ditë, stafi jonë ju sjellë receta të reja nga Kuzhina Shqiptare dhe ajo e huaj, receta këto të cilat ju mund t’i përgatitni lehtë në ambientin tuaj shtëpiak.

Harapash i Labërisë.

Është një nga specialitetet më të shijshme të kuzhinës tradicionale.

Pavarësisht se si gatim është traditë e të gjitha trevave e krahinave shqiptare, si receta e përgatitur në zonat e Labërisë vështirë se gjen shije të dytë.

Megjithëse receta ndryshon disi në përbërës sipas zonave, Harapashi i Labërsisë të mrekullon me shijen e tij dhe spikat si një ndër trashëgimitë më të vyera të kulinarisë shqiptare.

Dikur, ai ishte një ndër gatimet e përgatitura në raste festash apo kur shtëpinë e vizitonin miq dhe mysafirë.

Zakonisht, Harapashi shërbehet si meze në tryezë për të shoqëruar gatime të tjera tradicionale duke u shtuar më shije e lezet.

Ai kombinohet në mënyrë fantastike me sallata të freskëta të stinës, byrekë, mishra të ndryshëm, salcë kosi e turshi e shumë e shumë gatime të tjera të kuzhinës tradicionale shqiptare.


Përgatitja e Harapashit të Labërisë

Përbërësit

1kg mëlçi qengji

200gr mish qengji (nëse preferoni)

2 kokërr qepë mesatare

3-4 lugë gjalpë i freskët

2kg lënge nga mëlçitë

250gr me miell misri

Nenexhik

krip, piper sipas deshires


Përgatitja

Ky gatim përgatitet me të brendshmet e qengjit. Mëlçitë zihen në ujë me kripë përreth 20-30 minuta.

Më pas hiqen nga zjarri, lihet të ftohen dhe priten përmes një thike të mprehtë në kubikë të vegjël.

Ju këshilloj që lëngu ne mëlçive ta hiqni mënjanë pasi do përdoret për përgatitjen e harapashit.

Në vijim, në një tigan shtojnë qepën e grirë hollë, e kaurdisim me pak gjalpë të freskët.

Shtohen të brendshmet, nenexhikun e grirë hollë kaurdisen pak dhe më pas shtohet lëngu i të brendshmeve.

Sapo lëngu të nisë të zjejë shtohet mielli i misrit.

Masa lihet të zjejë derisa të trashet pak dhe të shkëputet lehtë nga anët e tenxheres.

Kur shërbehet, harapashi vendoset në një pjatancë, i kalohet përmes një luge sipër duke krijuar formën e dallgëve. Sipër spërkatet me disa pika gjalpë të freskët të skuqur.



186 views0 comments

Recent Posts

See All

Supë magjerica

Recet e postuar nga Apostol Buzopulos Buzi Supe Magjerice Miredita te nderuar dhe respektuar miq dhe mikesha te grupit , Megjithese supen magjerice do ta gatuajme diten e Shtune sipas zakonit te fest

Comments


bottom of page